કોર્ટિસોલ
કોર્ટીઝોલ: દોસ્ત કે દુશ્મન? ✍️ અમી દોશી ફૂલછાબ : પંચામૃત પૂર્તિ કોલેજમાં બ્યુટી ક્વીન તરીકે જાણીતી આયુષી માત્ર દેખાવે જ સુંદર નહોતી. શરીર અને મન પ્રત્યેની તેની સજાગતાને કારણે તે બ્યુટી વિથ બ્રેઈન તરીકે પણ ઓળખાતી હતી. પરંતુ છેલ્લા કેટલાક સમયથી આયુષીના જીવનમાં અણધારી મુશ્કેલીઓએ શરૂ થઈ હતી. શરૂઆતમાં આ તકલીફ માત્ર ચાલવા કે બેસવા પૂરતી સીમિત હતી, પરંતુ હવે તો સામાન્ય કામ કરવામાં પણ તેને હાંફ ચડવા લાગી હતી. રોજબરોજની સામાન્ય ક્રિયાઓ પણ તેના માટે કઠિન પહાડ ચડવા સમાન બની ગઈ હતી. આ બધાનું મુખ્ય કારણ હતું આયુષીનું અકલ્પનીય રીતે વધતું જતું વજન. ખાવામાં અત્યંત કડક પરેજીઓ પાળી, સખત કસરત કરી અને જીમમાં પુષ્કળ પરસેવો પાડવા છતાં, વધતા વજન સામે તેના બધા જ હથિયાર હેઠા પડ્યા હતા. આ વણઉકેલાયેલી સમસ્યાને કારણે ધીમે ધીમે ડિપ્રેશનનો શિકાર બનેલી આયુષી પોતાના તમામ સ્વપ્નોને મન મારીને જીવી રહી હતી. આખરે શું હતું આયુષીની આ શારીરિક અને માનસિક પીડાનું કારણ? તેનું વૈજ્ઞાનિક કારણ હતું કોર્ટીઝોલ એટલે શરીર માટે અતિ મહત્ત્વના એવા એક હોર્મોનનું ખોરવાયેલું સંતુલન. આમ તો સામાન્ય લોકોમાં પણ કોર...
